نگران وزیر اعلی خیبر پختونخوا محمد اعظم خان نے امن و امان کے حوالے سے اجلاس طلب کرلیا۔
اجلاس میں عام انتخابات کے انعقاد کے تناظر میں سکیورٹی صورتحال کا جائزہ لیا جائے گا۔
متعلقہ حکام کی جانب سے وزیر اعلی کو صوبے میں سکیورٹی کی مجموعی صورتحال پر تفصیلی بریفنگ دی جائے گی۔
صوبے میں عام انتخابات کے انعقاد کے سلسلے میں سکیورٹی صورتحال کا جائزہ پیش کرنے کے لئے گورنر کی طرف سے وزیر اعلی کو ایک مراسلہ ارسال کیا گیا تھا۔
اجلاس میں سکیورٹی صورتحال کا جائزہ لینے کے بعد گورنر کو اس بارے آگاہ کیا جائے گا۔
