20 کلو آٹے کے تھیلے کی رعایتی قیمت 1295 روپے جبکہ 10 کلو آٹے کی قیمت 648 روپے مقرر، اعلامیہ جاری

حکومت خیبرپختونخوا نے سرکاری آٹے کے سبسیڈائزڈنرخوں پر نظر ثانی کے بعد نئے ریٹس مقرر کر دئیے ہیں اس سلسلے میں محکمہ خوراک کی جانب سے جاری کردہ اعلامیے کے مطابق 20 کلو آٹے کے تھیلے کی رعایتی قیمت 1295 روپے مقرر کی گئی ہے جبکہ 10 کلو آٹے کی قیمت 648 روپے مقرر کی گئی ہے، اعلامیے میں مزید بتایا گیا ہے کہ پنجاب میں سرکاری سبسیڈائزڈ آٹے کی نرخ بڑھانے کے بعد حکومت خیبرپختونخوا نے سبسیڈائزڈ آٹے کی نرخ پر نظر ثانی کے بعد نرخوں میں اضافہ کیا ہے واضح رہے کہ حکومت خیبر پختونخوا نے عوام کو رعایتی نرخوں پر آٹے کی فراہمی کے لئے پروگرام کا آغاز کیا ہے جس کے لئے خطیر رقوم بھی مختص کی گئی ہیں، صوبائی حکومت کے اس میگا منصوبے سے صوبے کے لاکھوں لوگ مستفید ہو رہے ہیں۔سبسیڈائزڈ آٹے کی فراہمی موبائل ٹرکوں کے ذریعے پورے صوبے میں جاری ہے۔