صوبائی وزیر اطلاعات شوکت علی یوسفزئی نے کہا ہے کہ وزیرِ اعظم عمران خان پہلے لیڈر ہے جو امریکہ میں اسلام اور مسلمانوں سے دہشتگردوں کا لیبل ہٹانے کے لیے سرگرم ہیں اور امریکی صدر کو اسلام کی اصل روح اور تعلیمات سمجھانے کی کوشش کی۔ عمران خان کی کوششوں کی وجہ سے دنیا نے تسلیم کیا کہ کشمیر کا مسئلہ صرف بھارت کا مسئلہ نہیں ہے اور اس کو اب حل ہونا چاہیے۔ مولانا فضل الرحمان 15 سال تک کشمیر کمیٹی کے چیئرمین رہے اور کشمیریوں کے نام پر کھاتا رہا ایک دھرنا کشمیر کے لیے بھی دے تو ہم بھی ساتھ دینگے۔ ان خیالات کا اظہار انہوں نے اسٹیٹیوٹ آف آرکیٹکٹ پاکستان پشاور چپٹر کے زیر انتظام تین روزہ ارکیٹکچرل پروفیشن ان پاکستان ویژن 2025 انٹرنیشنل کانفرنس سے بطور مہمان خصوصی اپنے خطاب میں کیا۔ صوبائی وزیر نے کہا کہ ہمیں حکومت میں ملکی تاریخ کا سب سے بڑا خسارہ ملنے کے باوجود سرمایہ کاری کے لئے بہترین ماحول فراہم کر رہے ہیں۔ بے تحاشا قربانیاں دینے کے بعد صوبہ میں امن و امان کو واپس قایم کرلیا ہے جس کی مثال اس انٹرنیشنل کانفرنس کا انعقاد ہے۔ صوبائی وزیر نے کہا کہ پچھلی حکومتوں نے ملک پر 30 ہزار ارب روپے کا قرض چڑھایا مقروض مملک کبھی ترقی نہیں کر سکتے بجلی، گیس، ریلوے اور پی آئی اے سمیت اداروں کو خسارے میں رکھا گیا جس کی وجہ سے مشکل حالات کا سامنا کرنا پڑا۔ ملکی ترقی اور اداروں کو خسارے سے نکالنے کے لیے وزیراعظم عمران خان نے مشکل فیصلے کیے۔ انہوں نے کہا کہ ہمارے ملک میں گیس بجلی اور معدنیات کے ذخائر موجود ہیں لیکن صرف لیڈرشپ کی کمی تھی عمران خان کی شکل میں ملک کو ایماندار اور غیر مند لیڈر ملا ہے جو آنکھوں میں آنکھیں ڈال کر پاکستان کی بات کرتا ہے۔ پیہور میں سستی بجلی پیدا کر رہے ہیں جو صوبے میں صنعتوں کو ارزاں نرخوں پر دینگے تاکہ لوگ مزید انویسٹمنٹ یہاں لائیں اور سرمایہ کاروں کو فائدہ ہو۔انہوں نے کہا کہ سرمایہ کاری اور تجارت کو بڑھانے کے لیے تورخم باڈر کو 24/7 کھول دیا گیا ہے دنیا میں جغرافیائی اعتبار سے پاکستان کی اہمیت سے کوئی انکار نہیں کر سکتا ہم سے تعلقات قائم کرنا دنیا کی مجبوری ہے ڈومور کا مطالبہ کرنے والا امریکہ آج کہتا ہے کہ ہماری مدد کرے۔ پاکستانی مصنوعات کے حوالے سے بات کرتے ہوئے شوکت یوسفزئی نے کہا کہ باہر دنیا میں پاکستانی مصنوعات اعلیٰ معیار کے ہوتے ہیں کمپنیاں اپنے ملک کے لیے بھی اعلیٰ معیار کے مصنوعات بنائے اور جس کو لوگ خرید بھی سکے۔اپنی مصنوعات بڑھانے کے لیے سرمایہ کار رشکئ انڈسٹریل زون میں سرمایہ کاری کرے مستقبل قریب میں سنٹرل ایشاء کے مارکیٹ میں رشکئ انڈسٹریل زون کا کردار کلیدی ہیں۔ صوبائی وزیر نے انٹرنیشنل کانفرنس میں لگائے گئے مختلف مصنوعات کے سٹالز کا دورہ کیا اور مصنوعات میں گہری دلچسپی لی۔ انسٹیٹیوٹ آف آرکیٹکٹ پاکستان پشاور چپٹر کی طرف سے صوبائی وزیر کو شیلڈ پیش کیا گیا۔
