صوبائی حکومت خیبر پختونخواہ و ڈپٹی کمشنر مردان محمد عابد خان وزیر کی ہدایات پر ایڈیشنل ڈپٹی کمشنر مردان نیک محمد کی نگرانی میں 5 اگست یوم استحصال کے موقع پر کشمیریوں کے ساتھ یکجہتی کا اظہار اور انپر بھارتی فوجیوں کے جانب سے کئیے جانے والے ظلم و ستم کے خلاف ایک عظیم الشان ریلی ڈسٹرکٹ سیکٹریٹ سے نکالی گئی جوکہ کالج چوک میں اختتام پزیر ہوئی۔
ریلی میں اسسٹنٹ کمشنر میڈم گل بانو، ایڈیشنل اسسٹنٹ کمشنر جہانزیب خان، اے سی یوٹیز،یوتھ افیسر عثمان، سی ڈی او شوکت علی سمیت ولنٹئیر یوتھ ٹاسک فورس، مردان یوتھ پارلیمنٹ، رضاکار سول ڈیفنس سرکاری محکموں کے اہلکاران سمیت تاجروں کی کثیر تعداد نے شرکت کی ۔
اس موقع پرایک سال سے مقبوضہ کشمیر میں جاری ظلم و بربریت اور لاک ڈاون کے خلاف نعرے بازی کی گئی شرکا نے پلے کارڈز، کشمیر کے جھنڈے اور بینرز اٹھا رکھے تھے۔
مذید شرکا نے کہا کہ کشمیری عوام کیساتھ ساتھ دنیا کو پیغام دینا تھا کہ ہم کشمیری بھائیوں کیساتھ ہیں۔