محکمہ اطلاعات اور اوقاف خیبر پختونخوا کے زیر اہتمام کرونا وبا کے سدباب کیلئے سول سیکرٹریٹ میں علماء کانفرنس کا انعقاد کیا گیا جس میں اسلامی تعلیمات کی روشنی میں موجودہ صورتحال کا جائزہ لیا گیا۔ اجلاس میں خیبرپختونخوا کے جید علما سمیت سیکرٹری اینفارمیشن امتیاز علی شاہ اور سیکرٹری اوقاف نے شرکت کی۔
علما حضرات نے کرونا وبا کے پیش نظر موجودہ صورتحال پر گفتگو کرتے ہوئے غریب طبقہ کیلئے زیادہ سے زیادہ زکوات، خیرات، عطیات اور صدقات دینے کی تلقین کی ہے۔ علما کرام نے اس بات پر بھی اکتفا کیا کہ موجودہ صورتحال میں چونکہ محنت مزدوری کرنے والے افراد صاحب استطاعت طبقے کے خیرات و صدقات کے مستحق ہیں لہٰذہ عوام رمضان سے قبل اپنے خیرات، صدقات و زکوٰت کو مستحق افراد کو عطیہ کرکے ان کے چولہے بُجنے سے بچائیں۔
علام کرام کے مطابق عوام طبی ماہرین کے مشوروں پر من و عن عمل کرکے موجودہ حالات میں ہاتھ ملانے سے سلام کرنا کرنا بہتر ہے۔ علما کرام نے کرونا وبا سے جاں بحق افراد کی ایصال ثواب کیلئے دعا مانگتے ہوئے کہا کہ وبا میں جاں بحق افراد شہید کا درجہ رکھتے ہیں ۔
علماء کرام نے کرونا وباء کے خاتمے کے لئے حکومت کے شانہ بشانہ کھڑے ہونے کا مسمم اعادہ کیا اور جمعے کے خطبات مختصر اور کرونا وبا کی آگاہی پر مبنی پیغامات سے متعلق سوشل میڈیا کے زریعے کرانے پر اکتفا کیا
