مشیر سائنس و انفارمیشن ٹیکنالوجی خیبرپختونخوا ضیاء اللہ خان بنگش کا دُرشل پشاور کا اچانک دورہ،ضیاء اللہ بنگش نے دُرشل پشاور میں جاری ٹریننگ کا جائزہ لیا اور متعلقہ افسران سے بریفنگ لی۔صوبائی مشیر نے نوجوان اسٹارٹ اپس کے سوالات کے جوابات دیے اور خطاب کیا۔اس موقع پر مشیرسائنس وانفارمیشن ٹیکنالوجی کا کہنا تھاکہ خیبرپختونخوا حکومت نوجوان اسٹارٹ اپس کو نہ صرف صوبے میں بزنس کرنے کے لئے مواقع فراہم کررہا ہے بلکہ ساتھ ہی ساتھ ان کے آئیڈیاز کے لئے سازگار ماحول بھی فراہم کر رہا ہے۔نوجوانوں میں اسٹارٹ اپ کلچر نیا پاکستان کا ویژن ہے، نوجوان پاکستان کا سب سے قیمتی اثاثہ ہیں اور انہیں قومی ترقی میں اپنی صلاحیتیں بروئے کار لانے کے لئے خیبرپختونخوا حکومت مکمل مواقع فراہم کر رہی ہے۔ انہوں نے کہاکہ ڈیجیٹل گورننس کے حصول کے لئے ایک موثر نظام قائم کر رہے ہیں اور وزیراعظم عمران خان کے ڈیجیٹل پاکستان وژن کے مطابق سرکاری اداروں کی ڈیجیٹلائزیشن کی جا رہی ہے۔درشل کی بدولت آئی ٹی سے وابستہ نوجوان طبقے کو ایک چھت تلے اپنی صلاحیتیں اُجاگر کرنے اور روزگار کے مواقع حاصل کرنے میں بھرپور مدد ملے رہی ہے۔ ضیاء اللہ بنگش نے کہاکہ خیبرپختونخوا کے دیگر اضلاع بشمول ضم شدہ قبائلی اضلاع میں بھی دُرشل کا آغاز کر رہے ہیں۔
