کے پی ایکسائزر نے مختلف کاروائیوں میں ضبط شدہ مختلف نوعیت کی 83 گاڑیوں کی نیلامی کامیابی سے سرانجام دی۔ صوبائی آکشن کمیٹی کی موجودگی اور ہدایات کے مطابق 83 میں 79 گاڑیوں پر کامیاب بولی لگائی گئی جس کے عوض دس ملین سمیت ٹیکس کے سرکاری خزانے میں جمع کئے جائیگے۔ ایکسائز ٹیکسیشن آفیسر و انچارج وئیر ہاوس اعجاز خان کا کہنا ہے کہ پہلی دفعہ نیلام ایکسائز وئیر کے اندر منعقد ہوا جہاں تمام تر قانونی تقاضے پورے کئے گئے اور دلچسپی رکھنے والے عوام بزریعہ اخبارات، اشتہارات و سوشل میڈیا مطلع کیا گیا تھا۔ ان کا مزید کہنا تھا کہ ایکسائز اعلٰی حکام کی قیادت میں کامیابیوں کی جانب رواں دواں ہیں جبکہ ادارے میں انقلابی اقدامات اٹھائے جارہے ہیں تاکہ عوام تک خدمات کی رسائی میں آسانیاں پیدا ہو۔ اعجاز خان کا مزید کہنا تھا کہ ان کی ٹیم آئندہ دو مہینوں کے اندر اندر دوسری نیلامی کی تیاری کررہے ہیں جس میں وہ امید کرتے ہیں کہ سرکاری خزانے میں اس سے زیادہ کی رقم جمع کی جائیگی۔ واضح رہے کہ ایکسائز کی 89ویں نیلامی تھی۔
اس موقع پر سب انسپکٹر وحید اکبر کا کہنا ہے کہ ملک کے دیگر علاقوں سے چوری شدہ درجنوں گاڑیاں جو کہ وئیر ہاوس میں پارک کی گئی تھیں، اپنے حقیقی مالکان کو حوالہ کی جاچکی ہیں جو کہ کے پی ایکسائز کیلئے اعزاز کی بات ہے۔
