مشیر تعلیم خیبرپختونخوا ضیاء اللہ خان بنگش نے کوہاٹ بورڈ میں صوبائی حکومت کی جانب سے ستوری دا پختونخوا پروگرام کے تحت تقسیم انعامات کی تقریب میں ٹاپ پوزیشن ہولڈرز اور بہترین کارکردگی دکھانے والے طلباء میں انعامات تقسیم کیے اور حوصلہ افزائی کی۔ ضیاء اللہ بنگش تقریب کے شرکاء سے خطاب۔ پاکستان تحریک انصاف کی حکومت نے تعلیمی شعبے میں انقلابی اصلاحات پر کام کیا اور محکمے میں بڑی تبدیلیاں لائیں۔ ہم صوبے میں تعلیمی بورڈز میں اصلاحات پر کام کر رہے ہیں تا کہ عوام اور طلباء کے لیے مزید آسانیاں پیدا کی جا سکیں۔ امتحانی سسٹم کو مزید بہتر کرنے اور مزید شفافیت لانے پر کام کر رہے ہیں۔ تین دن قبل صوبے کی تمام تعلیمی بورڈز کے چیئرمین کو بورڈز کے لیے ڈیجیٹل سٹریٹجی تیار کرنے کی ہدایے کی، صوبے کے تمام تعلیمی بورڈز کو مکمل ڈیجیٹلائز کیا جا رہا ہے۔ محکمہ تعلیم خیبرپختونخوا میں اصلاحات کے نتائج آنا شروع ہوئے، سرکاری سکولوں میں داخلے کی شرح میں اضافہ ہو رہا ہے اور سرکاری سکولوں کے نتائج میں بہتری آ رہی ہے۔
