مشیر تعلیم خیبرپختونخوا ضیاء اللہ خان بنگش نے گورنمنٹ ہائی سکول نمبر 3 کوہاٹ کو ہائیر سیکنڈری کا درجہ دینے کا اعلان کر دیا۔ کوہاٹ کے 46 خستہ حال سکولوں کو دوبارہ تعمیر کیا جائیگا۔ 26 لاکھ بچوں کو سکولوں میں لانے کا چیلنج پورا کرنے کے لیے عملی اقدامات اُٹھا رہے ہیں۔ اِن خیالات کا اظہار مشیر تعلیم ضیاء اللہ بنگش نے گورنمنٹ ہائی سکول نمبر 3 کوہاٹ میں طلبہ میں انعامات تقسیم کرنے کی سالانہ تقریب کے موقع پر کیا۔ انہوں نے گورنمنٹ ہائی سکول نمبر 3 کوہاٹ کو ہائیر سیکنڈری کا درجہ دینے کا اعلان کرتے ہوئے کہا کہ صوبہ بھر کے تعلیمی ادارے مکمل طور پر فعال کر دیے ہیں اور سزا کے ساتھ ساتھ جزا کا عمل جاری ہے۔ اداروں اور اساتذہ کو اچھی کارکردگی پر انعامات دیے جا رہے ہیں۔ اُن کا کہنا تھا کہ 26 لاکھ سکول سے باہر بچوں کو تعلیم کے دائرے میں لا رہے ہیں اور کوہاٹ کے 46 خستہ حال سکولوں کو دوبارہ تعمیر کررہے ہیں۔ ضیاء اللہ بنگش کا کہنا تھا کہ نوجوانوں کے لیے اسٹیڈیم اور جمنیزیم بنا رہے ہیں اور اس حوالے صوبائی حکومت نے متعلقہ اداروں کو خصوصی ہدایات جاری کیے ہیں۔
