ضلعی انتظامیہ اور محکمہ خوراک کے افسران کا صبح صادق کے وقت پھل و سبزی منڈیوں کا دورہ۔ ایڈیشنل اسسٹنٹ کمشنر گلشن آرانے اسسٹنٹ فوڈ کنٹرولر نعمان عامر اور دیگر افسران کے ہمراہ سبزی منڈی انقلاب روڈ اور پھل منڈی جی ٹی روڈ میں بولی کے عمل کی نگرانی کر تے ہوئے سرکاری نرخ نامہ جاری کیا۔ ڈپٹی کمشنر پشاور محمد علی اصغر کی ہدایت پر ضلعی انتظامیہ کے افسران روزانہ منڈیوں میں صبح صادق کے وقت نرخ نامہ جاری کر تے ہیں۔ ڈپٹی کمشنر پشاور محمد علی اصغر کی انتظامی افسران کو سرکاری نرخ نامے پر عمل درآمد کے احکامات۔ ڈپٹی کمشنر پشاورمحمد علی اصغر کاسرکاری نرخ ناموں کی خلاف ورزی کرنے والوں کو جیل بجھوانے کا حکم۔ عوام کو ریلیف دینے کے لیے بولی کے عمل کی نگرانی کی جارہی ہے۔ بولی کے عمل کی نگرانی سے مصنوعی گران فروشی کا خاتمہ ہو گا۔